لقيت عليه مدح كثير تحمست اجربه
سبق قريت عن فوائد الطين للجسم او الوجه خصوصًا للبشرة الدهنية ويمكن استخدامه لمنطقة الابط تنظف المنطقه من البكتيريا والسموم لكن لا تستخدمونه بشكل يومي يكفي مره بالاسبوع.
انا جربته مره وحده حتى الان وطريقتي خلطت شوي من الطين مع خل تفاح مخفف بالماء لان الخل لحاله قوي
خليته لين نشف بعدين غسلته بس الافضل استخدموا فرشة الوجه المخصصه للماسكات لانه يتعب على ماينظف
والنتيجه اللي لاحظتها:
١- اذا بشرتك دهنيه لكن مو حساسه بيفيدك هالماسك لانه بيقلل الدهون ( بشرتي مختلطه تميل للدهنيه خصوصا منطقة التيزون ) ما اعاني من حبوب لكن كانت منطقة التيزون تطفشني بسبب افراز الدهون مهما غيرت الغسول او المرطب
لكن اول ما غسلت وجهي صار وجهي احمرررر كأنه محترق حطيت عليه كريم أليكا ونمت بعد ماصحيت كان الاحمرار خفيف جدًا ومجرد ماحطيت اليكا وصحيت اليوم اللي بعده اختفى الاحمرار كاملًا الحمد لله
والدهون خفت بشكل كبييييير
شخصيًا اشوف مره بالاسبوع اذا بشرتك حسيتيها تعبانه من كثرة الميكب وغيره
بالنسبه لي اشوف كل اسبوعين او اكثر
او بعد المناسبات زي الاعياد
بستمر عليه فترة اطول واشوف لاحظت فرق اكبر
وترا الكميه كويسه انا خفت اول ماشفت حجم العلبه لكن الكميه كبيييييره
